भक्तपुर । भक्तपुरको युरो किड्स स्कुलले मुवाथाईका राष्ट्रिय खेलाडी गुणराज रुचाल र विश्व रेकर्ड राख्न सफल पार्कर खेलाडी दिनेश सुनारलाई सम्मान गरेको छ ।
स्कुलले आज एक कार्यक्रमका आयोजना गरि त्रिभुवन आर्मी क्लबका गुणराज र एपिएफ क्लबका दिनेशलाई सम्मान गरेको हो । गुणराज यस वर्षका मुवाथाई वर्ष खेलाडी हुनुहुन्छ । त्यस्तै दिनेश पार्कर खेलमा दुई पटक विश्व रेकर्ड राख्न सफल खेलाडी हुनुहुन्छ । उहाँले तेस्रो विश्व रेकर्ड राख्ने तयारी समेत गरिरहनु भएको छ ।
त्रिभुवन आर्मी क्लबका गुणराज भने मुवाथाई खेलका अन्तराष्ट्रिय पदक बिजेता हुनुहुन्छ । साथै नेपाल राष्ट्रिय मुवाथाई संघबाट सन् २०१६ र २०१८ को वर्ष खेलाडी पनि हुनुहुन्छ । खेलाडी द्वयलाई स्कुलका प्रिन्सिपल ज्योती क्षेत्री र अध्यक्ष सुनेत्र प्रधानाङ्गले सम्मान गर्नुभएको थियो ।
प्रकाशित मिति: मंगलबार, फागुन २१, २०७५, १७:१६
