काठमाडौं । नेपालमा कोरोना संक्रमितको संख्या ५१ पुगेको छ ।आज पर्साका २ जनामा संक्रमण पुष्टि भएसँगै संक्रमितको संख्या ५१ पुगेको हो ।
स्वास्थ्य तथा जनसंख्या मन्त्रालयका अनुसार हालसम्मको अध्यावधिक विवरण अनुसार कोभिड १९ पुष्टि भएकाहरुको जम्मा संख्या ५१ पुगेको हो ।
आज राष्ट्रिय जनस्वास्थ्य प्रयोगशालामा भएको परिक्षणको नतिजा अनुसार २ जनामा संक्रमण पुष्टि भएको मन्त्रालयले जनाएको छ ।
संक्रमित दुबैजना पर्सा वीरगञ्ज निवासी ५० वर्षिय पुरुषहरु रहेका मन्त्रालयका सह प्रवक्ता डाक्टर समिरकुमार अधिकारीले जानकारी दिनुभयो ।
उनीहरु आइशोेसनमा अस्पतालमा रहेका र स्वास्थ्य अवस्था सामान्य रहेको अधिकारीले बताउनुभयो ।
हालसम्म संक्रमित पुष्टि भई विभिन्न अस्पतालमा उपचाररत १६ जना निको भएर डिस्चार्ज भएका पनि मन्त्रालयले विज्ञप्ती निकालेर जानकारी दिएको छ ।
प्रकाशित मिति: आइतबार, वैशाख १४, २०७७, १३:०७
