काठमाडौँ । नोबेल कोरोना भाइरस अर्थात कोभिड–१९ नियन्त्रण सम्बन्धी उच्चस्तरीय समन्वय समितिले लकडाउन अर्थात बन्दाबन्दी लम्ब्याउन सिफारिस गरेको छ ।
नेपालमा कोरोनाको सङ्क्रमण देखिएपछि गएको चैत ११ देखि मुलुकभरमा सरकारले बन्दाबन्दीको आदेश जारी गरेको छ ।
प्रधानमन्त्री केपी शर्मा ओलीको उपस्थितिमा आज बसेको बैठकमा अहिले जारी बन्दाबन्दीका कारण कोरोनाले प्रकोपको रुप लिन नसकेकोमा समितिका सदस्यहरुले जोड दिएका थिए ।
समितिको बैठकपछि प्रधानमन्त्री कार्यालयका सचिव तथा समितिका प्रवक्ता नारायण विडारीले सरकारले अहिले लिएको बाटो ठीक भएको निष्कर्ष निकालिएको जानकारी दिनुभयो ।
बालुवाटार स्रोतका अनुसार समितिले जेठ ३ गतेसम्म बन्दाबन्दी लम्ब्याउन सिफारिस गरेको भए पनि भोलिको मन्त्रिपरिषद् बैठकबाठ निर्णय गर्ने भन्दै आज बैठक सकिएको छ ।
बैठकमा केही मन्त्रीले अवस्था हेरेर बन्दाबन्दी खुकुलो बनाउनुपर्ने धारणा राखेका थिए ।
प्रकाशित मिति: मंगलबार, वैशाख २३, २०७७, १९:३७
