काठमाडौं । कोरोना भाइरसका सङ्क्रमित संख्या हरेक दिन सयको हाराहारीमा थपिन थालेका छन । प्रदेश २ मा मात्रै आज थप ७६ जनामा कोरोना भाइरस (कोभिड–१९) को संक्रमण पुष्टि भएको छ ।
यो सँगै नेपालमा कोरोना सङ्क्रमितको संख्या ९ सय ७७ पुगेको छ । राष्ट्रिय जनस्वास्थ्य प्रयोगशाला, टेकुमा गरिएको परीक्षणमा ७४ र वीपी कोइराला स्वास्थ्य विज्ञान प्रतिष्ठान, धरानमा गरिएको परीक्षणमा २ जनाको रिपोर्ट पोजेटिभ आएको हो ।
सबैभन्दा धेरै धनुषाका २९ जनामा कोरोना संक्रमण पुष्टि भएको छ । यस्तै, महोत्तरीमा १७ जना, सप्तरीमा १४ जना, सर्लाहीमा ७ जना, सिरहामा ६ जना र रौतहटमा ३ जनाको रिपोर्ट पनि पोजेटिभ आएको छ ।
प्रकाशित मिति: बिहीबार, जेठ १५, २०७७, ११:०३
