काठमाडौं ।
नेपालमा पछिल्लो २४ घण्टामा थप एकसय ६६ जनामा कोरोना संक्रमण पुष्टि भएको छ ।
देशका विभिन्न प्रयोगशालामा गरिएको परीक्षणका क्रममा थप १६६ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जानकारी दिएको हो ।
आज नियमित पत्रकार सम्मेलनमा मन्त्रालयका प्रवक्ता डाक्टर विकास देवकोटाले एकसय ६६ संक्रमित थपिएको जानकारी दिनु भयो ।
यससँगै नेपालमा कोरोना संक्रमितको कुल संख्या १५ सय ६७ पुगेको छ ।
संक्रमित मध्ये १४ सय ५० जना पुरुष र एकसय १७ जना महिला रहेका प्रवक्ता देवकोटाले बताउनुभयो ।
मन्त्रालयका अनुसार पछिल्लो २४ घन्टामा गरिएको परीक्षणमा १६२ जना पुरुष र ४ महिलामा कोरोना संक्रमण देखिएको हो ।
नेपालमा संक्रमितमध्ये हालसम्म २ सय २० जना उपचारपछि निको भएर घर फर्किका छन् । संक्रमण देखिएकामध्ये ८ जनाको भने मृत्यु भएको छ ।
मन्त्रालयका अनुसार एकलाख १ हजार एकसय ९२ जना क्वारेन्टाइनमा बसिरहेका छन् । देशभर एकहजार ३ सय ४९ जना विभिन्न अस्पतालमा उपचार गराइरहेका छन् ।
प्रकाशित मिति: आइतबार, जेठ १८, २०७७, १६:५०
