काठमाडौं ।
नेपालमा पछिल्लो २४ घण्टामा थप २२६ जना सङ्क्रमित थपिएका छन् । यो एकैदिनमा संक्रमण पुष्टि भएको अहिलेसम्मकै सबैभन्दा धेरै हो ।
देशका विभिन्न प्रयोगशालामा गरिएको परिक्षणमा २२६ जना सङ्क्रमित थपिएका स्वास्थ्य तथा जनसंख्या मन्त्रालयले जानकारी दिएको हो ।
आज नियमित पत्रकार सम्मेलनमा मन्त्रालयका प्रवक्ता डाक्टर विकास देवकोटाले थपिएका सङ्क्रमितमा २१३ पुरुष र १३ जना महिला रहेका जानकारी दिनुभयो ।
यो सँगै नेपालमा कोरोना सङ्क्रमितको संख्या एक हजार ७ सय ९८ पुगेको छ ।
नेपालमा सङ्क्रमितमध्ये हालसम्म २ सय २१ जना उपचारपछि निको भएर घर फर्किका छन् । जसमा एकसय ७३ जना पुरुष र ४८ जना महिला रहेका छन् ।
मन्त्रालयका अनुसार एकलाख ३३ हजार भन्दा बढि क्वारेन्टाइनमा बसिरहेका छन् । देशभर एकहजार ५ सय ६९ जना सङ्क्रमित विभिन्न अस्पतालमा उपचार गराइरहेका छन् ।
प्रकाशित मिति: सोमबार, जेठ १९, २०७७, १६:३३
