काठमाडौं ।
नेपालमा पछिल्लो २४ घण्टामा थप ३२३ जनामा कोरोना भाइरस (कोभिड १९) संक्रमण पुष्टि भएको छ ।
देशका विभिन्न प्रयोगशालामा गरिएको परीक्षणमा थप ३२३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
यससँगै नेपालमा कुल संक्रमितको संख्या ३ हजार २ सय ३५ पुगेको छ ।
आज नियमित पत्रकार सम्मेलनमा स्वास्थ्य तथा जनसंख्या मन्त्रालयका प्रवक्ता डाक्टर विकास देवकोटाले थपिएका संक्रमितमध्ये २८६ जना पुरुष र ३७ जना महिला रहेका जानकारी दिनुभयो ।
नेपालमा हालसम्म ३६५ जना उपचारपछि निको भएका छन् । पछिल्ललो २४ घण्टामा ३२ जना उपचारपछि निको भएर घर फर्किएका छन् ।
प्रवक्ता देवकोटाका अनुसार देशका ७० जिल्लामा कोरोनाको संक्रमण फैलिसकेको छ ।
प्रकाशित मिति: शनिबार, जेठ २४, २०७७, १७:०५
