विराटनगर । नेपाल एक खेल अघि नै साफ महिला च्याम्पियनसिप फुटबलको सेमिफाईनलमा प्रवेश गरेको छ । समुह चरणको दोस्रो खेलमा बंगलादेशले भुटानलाई पराजित गरेसँगै नेपाल प्रतियोगिताको अन्तिम चारमा प्रवेश गरेको हो । समुह ए बाट बंगलादेश पनि सेमिफाईनल प्रवेश गरेको छ ।
भुटान प्रतियोगिताको समूह चरणबाट बाहिरिने पहिलो टोली बनेको छ । साफको पाँचौ संस्करणसम्म आईपुग्दा भुटानले प्रतियोगितामा एउटा पनि खेल जितेको छैन ।
आज विराटनगरको सहिद रंगशालामा बंगलादेशले भुटानलाई २–० ले पराजित गरेको हो । बंगलादेशको जितमा मिश्रात जहान मौसमी र सविना खातुनले गोल गर्नुभयो ।
समुह विजेता टोलीको टुङ्गो शनिबार हुने नेपाल र बंगलादेशबीचको खेलले तय गर्नेछ ।
प्रकाशित मिति: बिहीबार, फागुन ३०, २०७५, १९:२३
