काठमाडौं । कोरोना सङ्क्रमितको संख्या हरेक पाँच मिनेटमा एक जनाका दरले थपिरहेको छ । आज बिहानै पर्सा, पर्वतमा कोरोनाका सङ्क्रमितहरु थपिएका छन् । गण्डकी प्रदेशको पर्वत जिल्ला र नवलपरासी पूर्वमा कोरोना सङ्क्रमित भेटिएका छन् ।
पर्वतमा ४ र नवलपरासी पूर्वमा १ जना गरि थप ५ जनामा कोरोना संक्रमण देखिएको प्रदेश स्वास्थ्य निर्देशनालय पोखराले जनाएको छ ।
पर्वतको कुश्मा नगरपालिका १० पिपलटारीका ६ वर्षिया १ जना बालक र १७ वर्षिय एक जना किशोरी, पर्वतकै जलजला गाउँपालिका १ बाँसखर्कका १७ वर्षिय १ जना पुरुष र महाशिला गाउँपालिका ५ लुङ्खुका १६ वर्षिया १ जना किशोरमा कोरोनाको संक्रमण देखिएको निर्देशनालयले जनाएको छ । उहाँहरुलाई जिल्ला स्थित आईसोलेसन कक्षमा लैजाने तयारी भैरहेको छ ।
पर्सामा वेवारिसे शवमा पनि कोरोना सङ्क्रमण पुष्टि भएको छ ।
बीर रगञ्जको घण्टाघरमा मृत भेटिएका अन्दाजी २५ बर्षका पुरुषमा कोरोना सङ्क्रमत पुष्टि भएको हो । यसअघि नेपालमा कोरोना सङ्क्रमणबाट १६ जनाको मृत्यु भइसकेको छ । अहिलेसम्म कोरोना सङ्क्रमणबाट ५ हजार ७२ जना पुगेका छन् ।
प्रकाशित मिति: शनिबार, जेठ ३१, २०७७, ०८:०१
