काठमाडौं । सोलुखुम्बु जिल्लाको खुम्बु पासाङल्हामु गाउँपालिकाका अध्यक्ष ङिम दोर्जी शेर्पाको आज बिहान निधन भएको छ। अध्यक्ष शेर्पाको ३९ बर्षको उमेरमा आज निधन भएको गाउँपालिका प्रबक्ता लाक्पा छिरि शेर्पाले जानकारी दिनुभयो ।
विगत १० महिना देखि पेटको सानो आन्द्रामा क्यान्सर भएपछि थलिनुभएका शेर्पाको स्वास्थ्यमा सुधार नआएपछि जेठ १० गते हेलिकोप्टर मार्फत जन्मस्थल लुक्ला लगिएको थियो ।
खुम्बु क्षेत्र तथा शेर्पा समुदायमा लोकप्रिय युवा नेता मानिने शेर्पाको पछिल्लो समय काठमाडौँको ह्याम्स अस्पतालमा केमो थेरापी गराइएको थियो ।
प्रकाशित मिति: मंगलबार, असार २, २०७७, ११:४७
