काठमाडौं । नेपालमा एकैदिन ६ सय ७१ जना नयाँ कोरोना सङ्क्रमित थपिएका छन् । स्वास्थ्य तथा जनसंख्या मन्त्रालयका अनुसार नेपालमा हालसम्मकै धेरै कोरोना संक्रमित आज थपिएका हुन् ।
मन्त्रालयका प्रवक्ता डा. जागेश्वर गौतमले नियमित प्रेस ब्रिफिंगको क्रममा नयाँ संक्रमित थपिएसँगै नेपालमा कोरोना संक्रमितको संख्या ७ हजार ८ सय ४८ पुगेको बताउनुभयो ।
उहाँले संक्रमितहरुमध्ये ७ हजार २ सय २९ पुरुष र ६ सय १९ महिला रहेको जानकारी दिनुभयो । साथै कैलालीमा दुई जनाको कोरोना भाइरस संक्रमणका कारण मृत्यु भएको पनि उहाँले बताउनुभयो । यो सँगै नेपालमा कोरोना भाइरसका कारण मृत्यु हुनेको संख्या २२ पुगेको छ ।
प्रकाशित मिति: बिहीबार, असार ४, २०७७, १६:३७
