काठमाडौं । नेपालमा आज थप चार सय २१ जना कोरोना संक्रमित थपिएका छन् । आज चार सय २१ जना संक्रमित थपिएका स्वास्थ्य तथा जनसंख्या मन्त्रालयले नियमित जानकारीका क्रममा बताएको हो ।
उनीहरु मध्ये तीन सय ५७ जना पुरुष र ६४ जना महिला रहेका स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिनुभयो ।
उहाँका अनुसार यो सँगै नेपालमा कोरोना संक्रमितको संख्या ९ हजार २६ पुगेको छ ।
कोरोना संक्रमण निको भएर डिस्चार्ज हुनेको संख्या एक हजार सात सय ७२ रहेको छ । उनीहरु मध्ये एक सय ९४ जना गत चौबिस घण्टामा डिस्चार्ज भएका हुन् ।
जम्मा डिस्चार्ज हुने मध्ये एक हजार ६ सय २३ जना पुरुष र एक सय ४९ जना महिला रहेका छन् ।
प्रकाशित मिति: आइतबार, असार ७, २०७७, १६:४८
