आइतबार विश्वभर एकै दिन अहिलेसम्मकै सबैभन्दा धेरै सङ्क्रमित थपिएका छन् । विश्व स्वास्थ्य संगठनका अनुसार एकै दिन एक लाख ८३ हजार नयाँ सङ्क्रमित फेला परेका छन् ।
सबैभन्दा धेरै संक्रमित ब्राजिलमा ५४ हजार ७७१ सङ्क्रमित भेटिए । त्यसपछि अमेरिकामा ३६ हजार ६१७ र भारतमा १५ हजार ४०० नयाँ संक्रमित भेटिएका छन् ।
विश्व स्वास्थ्य सङ्गठनले कोरोनाभाइरस सङ्क्रमणको घटनामा अहिलेसम्मकै सर्वाधिक दैनिक वृद्धि भएको जनाएको छ। अमेरिकामा २० लाख जति सङ्क्रमण पुष्टि भएको छ।
तर विज्ञहरू पर्याप्त परीक्षण नगरिएका कारण र सङ्क्रमण उच्च बिन्दुमा पुग्न बाँकी रहेकाले वास्तविक सङ्ख्या अझ बढी हुन सक्ने बताउँछन्।
कोरोनाभाइरसबाट धेरै मृत्यु हुने देशहरूमध्ये ब्राजिल दोस्रो स्थानमा उक्लिएको छ जहाँ ५० हजारभन्दा बढी व्यक्तिले कोभिड १९ बाट मृत्यु भइसकेको छ ।
प्रकाशित मिति: सोमबार, असार ८, २०७७, १३:४९
