सिन्धुपाल्चोक । लगातारको वर्षापछि झरेको पहिरोले घर बगाउँदा सिन्धुपाल्चोकमा ५ जना वेपत्ता भएका छन् ।
सिन्धुपाल्चोकको भोटेकोशी गाउँपालिका ४ फुल्पिङकट्टिको माथिल्लो भेगमा दुई घर बगेका छन् भने त्यहाँ बस्दै आएका ५ जना वेपत्ता भएका छन् ।
आज बिहान करिब साढे १ बजे झरेको पहिरोले घर बगाएको भोटेकोशी गाउँपालिकाका उपाध्यक्ष दाबुटी शेर्पाले सीआईएनलाई जानकारी दिनुभयो ।
एकै घरका आमा, एक छोरी, बुहारी र दुइ नातिनी पुरिएको स्थानियले जानकारी दिए . एकजना महिलाको पुरिएको अवस्थामा खुट्टा देखिएको र खोजतलासका लागि प्रहरी कुरीरहेको स्थानिय बुद्धि गुरुङले बताउनुभयो ।
जिल्ला प्रहरी कार्यालय सिन्धुपाल्चोकका इन्सपेक्टर रामचन्द्र घिमिरेका अनुसार २ घरका ५ वेपत्ता भएका हुन् । प्रहरी घटनास्थल पुग्न सकेको छैन । अविरल वर्षाले भोटेकोशीमा पानीको सतह १.५ मिलिमिटर पुगेको छ ।
प्रकाशित मिति: बिहीबार, साउन १, २०७७