सिन्धुपाल्चोक । नेशनल हाइड्रो पावरद्धारा प्रवद्धित इन्द्रावती तेश्रो जलविद्युत् आयोजनाको ड्याम साइडमा गएको भिषण पहिरोको कारण आयोजनाको उत्पादन ठप्प भएको छ ।
पाँचपोखरी थाङपाल ८ तिपेनीमा रहेको ७.५ मेगावाट उत्पादन क्षमताको उक्त आयोजनाको ड्याममा गएराति २ बजेतिर पहिरो खसेकोे हो ।
पहिरोले आयोजनाको सुरुङ मार्गको मुख्य गेट, फ्लसिङ सिस्टम (पोखरीबाट बालुवा फाल्ने) तथा पोखरीलाई पूर्ण रुपमा क्षति पु¥याएको छ ।
पहिरोले तिपेनी बजार तथा पहिरो माथिको मानव बस्ती समेत जोखिममा परेको छ ।
निरन्तरको बर्षा तथा पाँचपोखरी पर्यटन मार्गको निर्माण तथा विस्तारको कारण उक्त क्षेत्रमा यसअघि पनि पहिरो खस्दै आएको थियो ।
पहिरोका कारण सवारी साधन तथा मानिसहरूको आवतजावत समेत बन्द भएको छ । उक्त स्थानमा बैकल्पिक बाटो समेत नहुँदा सयौँ मानिस बिचबाटोमै अलपत्र परेका छन् ।
पहिरोका कारण अलपत्र मानिसको उद्धार तथा अबरुद्ध बाटो खुलाउन तत्काल लागिपर्ने पाँचपोखरी थाङपाल गाउँपालिकाका अध्यक्ष टासि लामाले जानकारी दिनुभयो ।
प्रकाशित मिति: शुक्रबार, साउन १६, २०७७
