बाजुरा । बाजुराको गौमुल गाउँपालिका–४ डाँडाबाडा भैंसी छाना गुवानीमा पहिरोमा परेर एक बालकको मृत्यु भएको छ ।
पहिरोमा परेर १२ वर्षीय अनिश विकको मृत्यु भएको स्थानीय गोरख विकले जानकारी दिनुभयो । पहिरोमा परेर स्थानीय ६० वर्षीय भिके कामीको गम्भीर घाइते हुनुभएको छ ।
आज बिहान पहिरो झरेको हो । पहिरोमा परेर ४ बाख्रा र एक गोरु मरेको छ । स्थानीयसमेत नभएको र विकट लेकमा भएका कारण उद्दारको लागि समस्या भएको छ ।
घटना स्थलमा गई तत्काल राहत र उद्दारकार्यमा जुट्न जनप्रतिनिधिहरु र स्थानीयलाई गौमुल गाउँपालिकाका अध्यक्ष हरिबहादुर रोकायाले आग्रह गर्नुभएको छ ।
गौमुल गाउँँपालिकाका उपाध्यक्ष सीता थापासहित जिल्ला प्रहरी कार्यालय बाजुराका प्रहरी नायव उपरीक्षक टंकप्रसाद भट्टाराई नेतृत्वको टोली घटना स्थल तर्फ गएको छ ।
प्रकाशित मिति: आइतबार, साउन २५, २०७७
