श्रीकान्त झा, रेडियो जनकपुर, जनकपुरधाम
प्रदेश २ मा रहेको प्रादेशिक जनस्वास्थ्य प्रयोगशालामा पीसीआर परीक्षण गराएकामध्ये दुईसय जना सङ्क्रमित सम्पर्क विहिन भएका छन् ।
सामाजिक विकास मन्त्रालयका वरिष्ठ जनस्वास्थ्य प्रशासक विजयकुमार झाले दिनुभएको जानकारी अनुसार पीसीआर परीक्षणका बेला लेखाएको ठेगाना र सम्पर्क नम्बर गलत रहेका कारण खोजतलास गर्न कठिनाई भइरहेको छ ।
प्रयोगशालामा स्वाब संकलन गर्ने क्रममा कसैले गलत नम्बर दिन्छन् त कसैले गलत स्थान उल्लेख गर्छन् । त्यति मात्रै होईन, कसै कसैले त आफनो ठेगाना नै उल्लेख नगरिरहेको पनि पाइएको छ ।
यस्तो प्रवृतिले सङ्क्रमित खोज्न समस्या हुनुका साथै सङ्क्रमण फैलने जोखिम पनि बढ्दै गएको चिकित्सक बताउँछन् ।
सम्पर्क विहिन भएका सङ्क्रमितहरू खोज्न समस्या भइरहेको भन्दै जिल्ला प्रहरी कार्यालय धनुषाका प्रहरी उपरीक्षक रमेशकुमार बस्नेतले खोजीको काम भने जारी रहेको बताउनुभयो ।
प्रकाशित मिति: बिहीबार, भदौ ११, २०७७
