काठमाडौँ । नेपालमा आज थप १ हजार ३ सय २५ जनामा नोबेल कोरोना भाइरसको सङ्क्रमण पुष्टि भएको छ ।
स्वास्थ्य तथा जनसंख्या मन्त्रालयले नियमित जानकारी दिने क्रममा प्रवक्ता डा. जागेश्वर गौतमले बितेको २४ घण्टामा देशका विभिन्न ठाउँमा १३ सयभन्दा धेरैमा कोरोना पुष्टि भएको जानकारी दिनुभयो ।
योसँगै हालसम्म कोरोना सङ्क्रमितको संख्या ६४ हजार १ सय २२ पुगेको छ । पछिल्लो २४ घण्टामा ९ सय ६६ जना कोरोनामुक्त भएका छन् । हालसम्म कोरोनामुक्त हुनेको संख्या ४६ हजार २ सय ३३ पुगेको छ ।
नोबेल कोरोना भाइरसका कारण थप १० जनाको मृत्यु भएको पुष्टि भएको छ । कोरोनाका कारण नेपालमा हालसम्म मृतकको संख्या ४ सय ११ पुगेको छ ।
प्रकाशित मिति: आइतबार, असोज ४, २०७७, १७:२४
