काठमाडौँ । नेपालमा नोबेल कोरोना भाइरसका थप एक हजार ५ सय १३ जना सङ्क्रमित थपिएका छन् ।
स्वास्थ्य तथा जनसंख्या मन्त्रालयले कोरोना भाइरसको बारेमा अद्यावधिक विवरण सार्वजनिक गर्दै बितेको २४ घण्टामा दस हजार ८ सय ९१ जनाको पीसीआर परीक्षण गरिएकोमा १५ सय १३ जनामा सङ्क्रमण पुष्टि भएको जानकारी दिएको हो ।
मन्त्रालयका अनुसार हालसम्मद दस लाख नौ हजार २ सय ९८ जनाको पीसीआर परीक्षण गरिएको छ भने २० हजार ३ सय ९६ जनामा कोरोना भाइरसको सङ्क्रमण सक्रिय रहेको जनाएको छ ।
थपिएका नयाँ सङ्क्रमितसँगै नेपालमा कुल कोरोना सङ्क्रमितको संख्या ७६ हजार २ सय ५८ पुगेको छ । बितेको २४ घण्टामा ७ सय ३१ जना कोरोनामुक्त भएको पनि मन्त्रालयले जनाएको छ ।
हालसम्म ५५ हजार ३ सय ७१ जना सङ्क्रमित निको भएका छन् । पछिल्लो चौबीस घण्टामा १० जनाको कोरोना सङक्रमणका कारण मृत्यु भएको पनि मन्त्रालयले जानकारी दिएको छ ।
प्रकाशित मिति: मंगलबार, असोज १३, २०७७, १६:५३
