पोखरा ।
गण्डकी प्रदेशमा आज (शनिबार) बिहान थप १७ जनामा कोरोना सङ्क्रमण पुष्टि भएको छ ।
योसँगै गण्डकी प्रदेशमा कोरोना सङ्क्रमितको संख्या ४ हजार ३ जना पुगेको छ ।
आज कास्कीको पोखरा महानगरपालिकामा १० जना, गोरखामा ५ जना र तनहुँमा २ जनामा कोरोना सङ्क्रमण पुष्टि भएको हो ।
पोखरा महानगरपालिका १७ का २४ र २३ बर्षका २ जना पुरुष नेपाल प्रहरीमा कार्यरत हुन् भने पोखरा महानगरपालिका २४ र १३ का २ जना पुरुष, गोरखा जिल्ला, बारपाक सुलिकोटका दुबैजना र तनहुँ जिल्ला, भिमाद २ का १ जना गरी ५ जना भारतबाट आएका हुन् ।
अन्य सबैजना कन्ट्याक्ट टे«सिङबाट पहिचान भएका स्वास्थ्य निर्देशनालय गण्डकीका निर्देशक डा विनोदविन्दु शर्माले जानकारी दिनुभयो ।
कास्कीमा अहिलेसम्म एक हजार ११ जनामा कोरोना सङ्क्रमण देखिएको छ भने अहिलेसम्म ३ सय ९९ जना निको भएर घर फर्किएका छन् ।
अहिले ६ सय १ जना आइसोलेसनमा छन् । त्यसैगरी गोरखामा २ सय ५९ जनामा कोरोना सङ्क्रमण देखिएको छ भने एक सय ९९ जनालाई निको भएर घर फर्किएका छन् । ५४ जना आइसोलेजनमा रहेका छन् ।
तनहुँमा ४ सय ४३ जनामा कोरोना देखिएको छ भने ३ सय ४८ जना सङ्क्रमणमुक्त भएका छन् । अहिले ९० जना आइसोलेसनमा छन् ।
गण्डकी प्रदेशमा २ हजार ८ सय ३१ जना निको भएर घर फर्किएका छन् भने ३३ जनाको मृत्यु भएको छ ।
प्रकाशित मिति: शनिबार, असोज १७, २०७७
