काठमाडौं । गायक जोसेफ शाही ठकुरीको देउडा शैलीको गीत ‘पियारी’ सार्वजनिक भएको छ । लाइमलाइट नेपाल युट्युव च्यानलबाट बिहिबार गीतको भिडियो सार्वजनिक गरिएको हो ।
कोशिष क्षेत्रिको संगीत रहेको गीतमा जोसेफ आफैंले शब्द लेख्नुभएको हो । उदयराज पौडेलको संगीत संयोजन र श्यामश्वेत रसाइलीको ध्वनी सम्पादन रहेको गीत ‘पियारी’ प्रिज्म डिजिटल स्टुडियोमा रेकर्ड गरिएको हो ।
गरिबीले थिचिएपछि केहि विकल्प नभेटेर धन कमाउन विदेश गएको एक परदेशीले आफ्नी श्रीमतिलाई सम्झाइरहेको कथाबस्तु गीतमा भेटिन्छ ।
कलाकार प्रकाश चन्द, सरस्वति फुयाँल, रत्न डंगोल, रामहरी थापा र रञ्जित मगरले भिडियोमा अभिनय गरेका छन् ।
चक्रबहादुर बरालको छायाँकन र टेकेन्द्र शाहको सम्पादन रहेको गीतको भिडियो निर्देशन देवेन्द्र कँुवरले गर्नुभएको हो ।
भिडियो हेर्नुहोस्:
प्रकाशित मिति: शनिबार, माघ ३, २०७७, ०७:४९
