काठमाडौँ । नेपाली सङ्गीतमा लोक तथा आधुनिक शैलीका गजल आउनेक्रम बढ्दै गए पनि शास्त्रीय शैलीका गजल कमै सङ्ख्यामा रेकर्ड हुन्छन् ।
यसै शिलशिलामा डा.केशव शर्माको रचना तथा सन्तोष श्रेष्ठको सङ्गीतमा ‘वेदनाको भेल’ बोलको शास्त्रीय गजल सार्वजनिक भएको छ ।
गजलमा गायक मनोजराज तथा गायिका सुजाता बर्माको स्वर रहेको छ ।
गजल बारेमा कुराकानी गर्दै सङ्गीतकार श्रेष्ठले शास्त्रीय शैलीमा गजल आउनेक्रम घट्दै गएको बेला यो गजल आउनु आफ्नो लागि पनि विशेषा खुसीको कुरा भएको बताउनुभयो ।
गजलको भिडियो पनि सार्वजनिक गरिएको छ ।
भिडियोमा गजित र आरोही शर्माले मुख्य भूमिका खेल्नुभएको छ भने नारायण उप्रेती, अनु राई, मनिषा खड्का, विष्णु खड्का, सुवास पोखरेल, सितामैयाँ रचाल, डम्बर खड्काथोकी लगायत कलाकारहरुको पनि अभिनय देख्न सकिन्छ ।
भिडियोमा हेमप्रभासको निर्देशन छ अनि गजित विष्ट तथा गम्भिर विष्टको कोरियोग्राफी रहेको छ ।
भिडियो हेर्नुहोस्ः
प्रकाशित मिति: मंगलबार, माघ २०, २०७७, ११:२९
