काठमाडौँ । सामुदायिक रेडियो प्रसारक सङ्घ (अकोराब) नेपालको सातौँ अधिवेशनले अर्जुन गिरीको अध्यक्षतामा ३१ सदस्यीय नयाँ कार्यसमिति चयन गरेको छ ।
अध्यक्ष पदका लागि भएको मतदानमा कुल खसेको १ सय ७९ मध्ये गिरीले १ सय ६३ मत पाएर निर्वाचित हुनुभयो ।
अध्यक्षका अर्का उम्मेदवार कपिलदेव खनालले १३ मत ल्याउनु भएको थियो भने ३ मत बदर भएको थियो । आज बिहान सकिएको अधिवेशनले अन्य सबै पदमा सर्वसम्मत चयन गरेको छ ।
वरिष्ठ उपाध्यक्षमा विष्णुदत्त अवस्थी, मधेश उपाध्यक्षमा निमेष कर्ण, जनजाति उपाध्यक्षमा मिलन गाहा, महिला उपाध्यक्षमा बन्दना दनुवार र दलित उपाध्यक्षमा भुवन सिंह चयन हुनुभएको छ ।
निर्वाचित भएपछि प्रमाणपत्र ग्रहण गर्नुहुँदै अकोराबका अध्यक्ष अर्जुन गिरी । 
प्रमाणपत्र ग्रहण गर्नुहुँदै वरिष्ठ उपाध्यक्ष विष्णुदत्त अवस्थी । महासचिवमा किशोरजङ्ग थापा, कोषाध्यक्षमा सरोज पौडेल र सचिवमा सुदर्शन खतिवडा चयन हुनुभएको मुख्य निर्वाचन अधिकृत अधिवक्ता डा. रामहरि त्रिपाठीले जानकारी दिनुभयो । खुल्ला केन्द्रीय सदस्यमा कृष्णहरि घिमिरे, नवीनराज पौडेल, ध्रुबराज ढकाल, रोशनमान श्रेष्ठ र शुक्रराज भण्डारी चयन हुनुभएको छ ।
प्रमाणपत्र ग्रहण गर्नुहुँदै मधेस उपाध्यक्ष निमेष कर्ण । 
प्रमाणपत्र ग्रहण गर्नुहुँदै जनजाति उपाध्यक्ष मिलन गाहा । 
प्रमाणपत्र ग्रहण गर्नुहुँदै दलित उपाध्यक्ष भुवन सिंह ।
प्रमाणपत्र ग्रहण गर्दै महासचिव किशोरजङ्ग थापा । 
प्रमाण ग्रहण गर्दै कोषाध्यक्ष सरोज पौडेल । महिला केन्द्रीय सदस्यमा कमला कँडेल, गीता न्यौपाने र दिपु पोखरेल (खेमकुमारी) चयन हुनुभएको छ ।
प्रमाणपत्र ग्रहण गर्नुहुँदै सचिव सुदर्शन खतिवडा ।मधेसी केन्द्रीय सदस्यमा नवीननरसिंह नेपाली र अजयकुमार यादव, जनजाति केन्द्रीय सदस्यमा कष्णकुमार एस्माली र पुष्पा चौधरी, दलित सदस्यमा हेमन्तबहादुर विश्वकर्मा चयन हुनुभएको निर्वाचन समितिले जनाएको छ ।
प्रदेश केन्द्रीय सदस्यमा प्रदेश १ बाट टेकबहादुर खड्का, प्रदेश २ बाट जिवछ चौधरी, बागमतीबाट भक्तबहादुर स्याङ्तान, गण्डकीबाट रामनारायण सुवेदी, लुम्बिनीबाट संगीत बस्याल, कर्णालीबाट बालकुमार शर्मा र सुदूरपश्चिम प्रदेशबाट केशवदत्त भट्ट चयन हुनुभएको छ ।
लेखा समिति संयोजकमा भूमिराज चापागाईँ र सदस्यमा रामभरोसी महतो अनि प्रल्हाद पोखरेल चयन हुनुभएको छ ।
धिवेशनले प्रदेश नम्बर १ मा विदुर खवासको अध्यक्षतामा, प्रदेश नम्बर २ मा मनोजकुमार यादव, बागमती प्रदेशमा बलराम श्रेष्ठ, गण्डकी प्रदेशमा गणेश श्रेष्ठ, लुम्बिनी प्रदेशमा राजु खरालको अध्यक्षतामा कार्यसमिति चयन गरेको छ ।
निर्वाचित भएको प्रमाणपत्र प्राप्त गरेपछि अकोराबका पदाधिकारीहरु। कर्णाली प्रदेशमा गोरखबहादुर थापा र सुदूरपश्चिममा जगतबहादुर खड्काको अध्यक्षतामा कार्यसमिति चयन भएको छ । निर्वाचित भएपछि प्रतिक्रिया दिँदै अध्यक्ष अर्जुन गिरीले आगामी दिनमा सामुदायिक रेडियो प्रसारक संघलाई सामुदायिक रेडियोहरूको हितमा अघि बढाउनका लागि सबै पक्षसँग सहकार्य गरिने बताउनुभयो ।
अकोराबको महाधिवेशनका लागि अनुकूल वातावरण नभएको भन्दै स्थगित घोषणा गर्ने निवर्तमान अध्यक्ष तथा महासचिव पक्षले भने नयाँ कार्य समिति चयन नै अवैधानिक भएको टिप्पणी गरेको छ ।
निवर्तमान अध्यक्ष सुवास खतिवडा र महासचिव गोबिन्द देवकोटाले विज्ञप्ति जारी गर्दै निर्वाचन समिति गठन लगायतका विषयमा आवश्यक पर्ने मापदण्ड पूरा नभएको दावी गर्नुभएको छ ।
प्रकाशित मिति: बिहीबार, फागुन २७, २०७७, २०:१०
