काठमाडौँ । काठमाडौँको शिवपुरी जङ्गलमा लागेको आगो निभाउन हेलिकप्टर प्रयोग गरिएको छ । आगलागी नियन्त्रणका लागि हेलिकप्टरबाट पानी हालिएको हो ।
आज बिहान करिब १० बजेदेखि सुरु भएको आगलागी फैलिँदै गएपछि नियन्त्रणका लागि दमकल प्रयोग गरिएको थियो । तर नियन्त्रणमा नआएका कारण सिम्रिक एयरलाइन्सको हेलिकप्टरले पानी हालेको प्रहारी प्रभाग बूढानीलकण्ठले जानकारी दिएको छ ।
दुई–तीन वटा दम्कल आगलागी नियन्त्रणका लागि परिचालन गरिएको प्रहरीले जनाएको छ ।
चार सय मिटरको डाएमिटरको हाराहारीमा आगलागी भएको जानकारी दिँदै प्रहरीले के कारणले आगो लागेको भन्ने बारेमा अनुसन्धान भइरहेको जनाएको छ ।
आगो नियन्त्रणमा लिन नेपाल आर्मी, सशस्त्र प्रहरी, नेपाल प्रहरी र स्थानीय पनि खटिएका छन् ।
प्रकाशित मिति: आइतबार, चैत २९, २०७७, १७:१३
