हुम्ला । नेपाली सेनाले कर्णाली करिडोरको खुलालु-लैफु-सल्लीसल्ला खण्डको काम सकेर सडक विभाग अन्तरगर्त हिल्सा सिमकोट योजनालाई हस्तान्तरण गरेको छ ।
कर्णाली करिडोर सडक निर्माण कार्यदलले खुलालु-लैफु-सल्लीसल्ला सडक आयोजनाको काम नेपाली सेनाले जिम्मा लिएकोथियो ।
२०७१ साल चैत ९ गते निर्माण सुरु भएको १ सय २२ दशमलब ७५ किलोमिटर सडक निर्माण सम्पन्न गरी सेनाले हिल्सा सिमकोट सडक योजनालाई हस्तान्तरण गरेको कणर्ाली करिडोर सडक निर्माण कार्यदलका मेजेर मिलन कार्कीले बताउनुभयो ।
कालिकोट जिल्लाको नरहरीनाथ गाउँपालिका-१ खुलालु लैफुहुदै बाजुरा जिल्लाको सीमा लैफुडाडाँदेखि हुम्लाको सल्लीसल्ला सम्पन्न सडक निर्माणको काम सकिएपछि अब आवातवाजत र सामान ढुवानीमा सजिलो भएको हुम्लाको अदानचुली गाउँपालिकाका अध्यक्ष दल फडेराले सीआईएनसँग बताउनुभयो ।
हुम्ला जिल्लाका चार वटा गाउँपालिका ताजाँकोट, अदानचुली चंखेली र सर्केगार्ड गाउँपालिका सडक सञ्जालसँग जोडिएका छन् ।
हिल्सा सिमकोट सडक योजनाका प्रमुख विसुन दास लामाले खुलालु देखि सल्लीसल्ला सम्म १ सय २२ दशमलब ७५ किलोमिटर सडकको अध्ययन गरी १२ महिना यातायात सञ्चालन गर्ने बताउनुभयो ।
नेपाली सेनाले हिल्सा सिमकोट सडक योजनालाई सडक हस्तान्तरण गरेसँगै हुम्लाको चंखेली गाउँपालिकाको सल्लीसल्लासम्म यातायात सञ्चालन हुने भएको छ ।
प्रकाशित मिति: शुक्रबार, साउन १, २०७८
