सिन्धुपाल्चोक । सिन्धुपाल्चोकको पाँचपोखरी थाङ्पाल गाउँपालिका वडा नम्बर ८ लाँगर्चे इन्द्रावती तेस्रो जलविद्युत आयोजनाको ड्याम क्षेत्रमा ठूलो पहिरो गएको छ ।
गएराति ९ बजेदेखि आएको पहिरोमा मेगा बैँकमा कार्यरत कर्मचारीको एक मोटरसाइकल पुरिएको छ, भने मानवीय क्षति भने नभएको स्थानिय राजन भुजेलले जानकारी दिनुभयो ।
अहिले पनि पहिरो निरन्तर खसिरहेकाले जोखिम रहेको जलविद्युत आयोजनाका प्रमुख मानोलक श्रेष्ठले बताउनुभयो ।
निरन्तरको वर्षापछि आएको पहिरोले मेलम्ची भेताङ्ग जोड्ने मोटरबाटोमा पनि क्षति पुगेको छ । यस क्षेत्रमा पैदल हिँड्न्समेत डर लाग्ने गरेको भुजेलले बताउनुभयो ।
असार १ र त्यसपछिका बाढी पहिरोले यस सडकमा यातायातका साधन चलेका छैनन । पहिरो ठूलो भएको पुल बगाएको तथा जताततै सडक क्षति भएकाले मर्मतमा समस्या भएको गाँउपालिकाले जनाएको छ ।
प्रकाशित मिति: मंगलबार, भदौ ८, २०७८
