काठमाडौँ । साफ च्याम्पियनसिप फुटबको उपाधिका लागि आज नेपालले भारतविरुद्ध खेल्दैछ ।
साफ इतिहासमा पहिलो पटक फाइनल पुगेको नेपाल र भारतबीचको खेल माल्दिभ्सको राजधानी मालेस्थित राष्ट्रिय रङ्गशालामा नेपाली समय अनुसार आज राति पौने ९ बजे सुरु हुनेछ ।
यसअघि लिग चरणमा भारतले नेपाललाई १-० ले हराएको थियो । पाँच राष्ट्र सहभागी साफमा भारत शीर्ष स्थानमा रहदै फाइनल पुगेको हो ।
हिजो भएको पत्रकार सम्मेलनमा नेपाली राष्ट्रिय फुटबल टिमका सहायक प्रशिक्षक किरण श्रेष्ठले भारतविरुद्धको महत्वपूणर् खेलका लागि टिम तयार रहेको बताउनुभएको थियो ।
नेपाली टिमका खेलाडी रोहित चन्दले उपाधि हात पार्ने गरी आफूहरू मैदानमा उत्रने बताउनुभयो ।
साफमा भारत ४ खेलमा ८ अंक जोड्दै पहिलो स्थानमा छ भने नेपाल ४ खेलमा ७ अङ्क जोड्दै दोस्रो स्थानमा रहेर फाइनल खेल्न लागेको हो ।
प्रकाशित मिति: शनिबार, असोज ३०, २०७८
