काठमाडौँ । गीतकार दिनेशराज पुरीको शब्दमा अर्को नयाँ गीत ‘डाँडै काटौला’ सार्वजनिक भएको छ ।
केन्द्र मोसन पिक्चर्सबाट सार्वजनिक भएको यो गीतमा मेलिना राई र सुनिल कटुवालको आवाज रहेको छ । गीतमा अर्जुन पोखरेलले सङ्गीत भर्नुभएको छ भने चर्चित कलाकारहरूको अभिनय रहेको छ ।
कलाकार पल शाह, पुष्प खड्का, सरोज खनाल, सुरवीर पण्डित तथा एलिसा श्रेष्ठ , रुबिसा श्रेष्ठ लगायतले गीतमा अभिनय गरेका छन् । सुबोल थापाको कोरियोग्राफी रहेको गीतलाई गम्भीर विष्टले निर्देशन गर्नुभएको छ ।
सार्वजनिक भएको दोस्रो दिनमा नै गीतले चर्चा बटुलेको छ । आफ्नो टिमले मेहनेत गरेर काम गरेकाले दर्शक स्रोताहरूले अझैँ मन पराइदिनुहुने अपेक्षा गरेको गीतकार पुरीले बताउनुभयो ।
पुरीको यस अगाडि ‘चकलेटी स्याउ’, ‘आँसुले बाटो छेक्दिन तिम्रो’, ‘कसम कसम’, ‘धारै नखोली’ लगायत बोलका गीतहरू चर्चित बनेका थिए ।
आफूले नयाँ फ्लेबरको गीत लेख्ने कोसिस गरेको र त्यसैको परिणामस्वरुप यो गीत आएको पुरीको भनाइ छ ।
प्रकाशित मिति: सोमबार, कात्तिक १५, २०७८, २०:४१
