काठमाडौं । नेपालमा पहिलोपटक कोरोनाको नयाँ स्वरुप ओमिक्रोन पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार विदेशबाट आएका २ जना व्यक्तिमा कोरोनाको नयाँ स्वरुप ओमिक्रोन पुष्टि भएको हो ।
मन्त्रालयले आज पत्रकार सम्मेलन गरी सो कुराको पुष्टि गरेको हो ।
मन्त्रालयका सह प्रवक्ता डा.समिर कुमार अधिकारीले नेपाल आएका एक जना ६६ वर्षका र अर्का ७१ वर्षका नागरिकमा कोरोनाको ओमिक्रोन पुष्टि भएको जानकारी दिनुभयो । हाल ती व्यक्ति चिकित्सकको निगरानीमा स्वास्थ्य लाभ गरिरहेको पनि उहाँल बताउनुभयो ।
स्वास्थ्य तथा जनसङ्ख्या मन्त्रालयका अनुसार विदेशबाट आएका २ जना व्यक्तिमा कोरोनाको नयाँ स्वरुप ओमिक्रोन पुष्टि भएको हो ।
डा.अधिकारीका अनुसार नेपाल प्रवेश गर्दा ती व्यक्तिहरूमा कोरोना नभएको पिसिआर रिपोर्ट ल्याएको र पूर्ण मात्रा खोप पनि लगाएको देखियो ।
तर, सरकारले बाहिरबाट आएकाहरूलाई आशङ्काको आधारमा नेपालमै जिन सिक्वेन्सिङ गर्दा दुबै जनामा ओमिक्रोन पुष्टि भएको हो ।
प्रकाशित मिति: सोमबार, मंसिर २०, २०७८
