काठमाडौं । नेपाल यतिबेला आईसीसी टी–ट्वन्टी विश्वकपको ग्लोबल छनोट र आईसीसी विश्वकप क्रिकेट लिग–२ अन्तर्गत श्रृङ्खलाको तयारीमा छ । यही बेला नेपाली क्रिकेट टिमको कप्तान सहित ४ जना खेलाडी माथि नेपाल क्रिकेट सङ्घ (क्यान) ले कारबाही गरेको छ । क्यानले खेलाडीमाथि गरेको कारबाहीको विभिन्न पक्षले विरोध र समर्थन गर्दै आएका छन् ।
विशेषगरी विश्वकपको ग्लोबल छनोट पुग्नुअघि नेपाली क्रिकेट टोली हिजोदेखि बन्द प्रशिक्षण सुरु गरेको छ । नेपाल क्रिकेट सङ्घले कारबाहीको पुनलावलोकन नगरेपछि कप्तान ज्ञानेन्द्र मल्ल, उपकप्तान दीपेन्द्र सिंह ऐरी, खेलाडीहरू सोमपाल कामी र कमलसिंह ऐरी प्रशिक्षणमा सहभागि भएका छैनन् । उनीहरु बिना प्रशिक्षणमा सहभागी खेलाडीलाई भने खल्लो भएको छ ।
नेपाल क्रिकेट सङ्घले कारबाहीको पुनलावलोकन नगरेपछि कप्तान ज्ञानेन्द्र मल्ल, उपकप्तान दीपेन्द्र सिंह ऐरी, खेलाडीहरू सोमपाल कामी र कमलसिंह ऐरी प्रशिक्षणमा सहभागि भएका छैनन् । उनीहरु बिना प्रशिक्षणमा सहभागी खेलाडीलाई भने खल्लो भएको छ ।
प्रशिक्षणका लागि छनोट हुनुभएका क्रिकेटर कुशल भुर्तेलको पनि मन खिन्न छ । ८ ओटा म्याच कप्तान मल्लकै नेतृत्त्वमा खेल्नुभएका भुर्तेल प्रशिक्षणमा जानको लागि आतुर हुनुहुन्छ । तर, कप्तान मल्ललाई भने उहाँले यसपटक आफूसँग पाउनुहुन्न ।
उहाँ भन्नुहुन्छ, ‘कप्तान सहितका खेलाडीमाथि गरिएको कारबाही अकस्मात भएकोले त्यसलाई स्वीकार्न सहज छैन । तर, क्यानले गरेको निर्णयमा हामीले केही बोल्न मिल्दैन । हाम्रा माग छन् त्यसलाई क्यानले पूरा गर्नेछ भन्ने आशा छ । तर, कप्तान ज्ञानेन्द्र सहितका खेलाडी टिममा नहुँदा मन खिन्न भएको छ ।’
क्यानले ज्ञानेन्द्र र दीपेन्द्रलाई जिम्मेवारीबाट हटाउने अनि सोमपाल र कमललाई ६ महिनाको तलब नदिने निर्णय गरेको ६ दिन भयो । यसले अन्तर्राष्ट्रिय खेलको तयारीमा जुटेका खेलाडीमा मनौवैज्ञानिक असर पर्छ कतिपयले भनिरहेका छन् ।तर, पूर्व क्रिकेट खेलाडी सञ्जम रेग्मी क्यानको निर्णयलाई सामान्य प्रक्रिया ठान्नुहुन्छ । क्यानको यो प्रक्रिया स्वभाविक रहेको भन्दै उहाँले यसमा ठूलो केही गलत भएको भन्न नमिल्ने बताउनुभयो ।
उहाँ भन्नुहुन्छ, ‘क्यान भनेको क्रिकेट क्षेत्रको लागि नेपालको अभिभावक हो । केही गुट उपगुट होला नहोला त्यो फरक पाटो हो । नेपालमा खेलाडीले यसलाई स्वीकार्न सहज छैन । कारण नेपालको इतिहासमा पहिलोपटक यस्तो कारबाही भएको छ ।’ उहाँ थप्नुहुन्छ, ‘कप्तानमा सन्दिपलाई ल्याउँदा पनि कतिपयलाई त्यो स्वीकार्न गाह्रो भएको छ । तर, सन्दिप अहिले ब्राण्ड भएकाले उनलाई कप्तान बनाउनुपनि क्रिकेटको लागि राम्रो हो । नेपाली क्रिकेट चलाउनलाई पैसा चाहिन्छ । जुन ब्राण्ड बेचेर नै आउँछ । त्यसकारण यो ठूलो विषय होइन ।’
तर, पूर्व क्रिकेट खेलाडी सञ्जम रेग्मी क्यानको निर्णयलाई सामान्य प्रक्रिया ठान्नुहुन्छ । क्यानको यो प्रक्रिया स्वभाविक रहेको भन्दै उहाँले यसमा ठूलो केही गलत भएको भन्न नमिल्ने बताउनुभयो ।
तर, राष्ट्रिय क्रिकेट टिमका पूर्व कप्तान एलबी थापा क्षेत्री भने क्यानको कारबाहीले क्रिकेट प्रतियोगितामाथि असर पर्ने बताउनुहुन्छ । आउन लागेको लिगको मुखमा यसरी कारबाही हुँदा क्रिकेट क्षेत्रमा नराम्रो असर परेको उहाँको भनाइ छ । कारबाही गर्नु नगर्नु एउटा विषय हो तर, क्यान आफू कुन अवस्थामा छ भन्ने कुरालाई पनि क्यानले ध्यानमा राखेर निर्णया गर्दा उचित हुने उहाँको तर्क छ ।
खेलकुद मन्त्रालय, राजनीतिक नेतृत्वदेखि चौतर्फी क्यानको विरोध भइरहेको छ । भने क्यानको निर्णयप्रति असन्तुष्टि जनाउनेमा खेलाडी मात्रै होइन, क्रिकेट सङ्घभित्रै पनि विरोध भइरहेको छ । क्यानका सदस्य छुम्बी लामाले यस निर्णयमा क्यानका ६ जनाले नोट अफ डिसेन्ट लेखेर विरोध गरेको बताउनुभयो ।
उहाँले प्रतियोगिताको तयारीमा रहेको बेला कारबाही गर्नु उचित नहुने भन्दै आफूले विरोध गरेको पनि उल्लेख गर्नुभयो । सन् २०१४ मा आईसीसी टी–ट्वन्टीको मान्यता पाएको नेपालले हालसम्म विश्वकपको उपाधि भने जित्न सकेको छैन ।
नोट भएका खेलमा पनि विजेता बन्न नसकेको नेपाली क्रिकेटलाई बलियो बनाउनभन्दा पनि आत्मबल बढाउन जोडबल हुनुपर्ने सरोकारवाला बताउँछन् ।
प्रकाशित मिति: बुधबार, पुस ७, २०७८
