डडेल्धुरा । डडेल्धुरामा बस दुर्घटना हुँदा ६ जनाको मृत्यु भएको छ । डडेल्धुराको भिदत्तराजमार्गको साउखर्कमा बिहानै बस दुर्घटना हुँदा ६ जनाको मृत्यु भएको हो । दुर्घटनामा २६ जना घाइते भएका छन् ।
डडेल्धुराको गन्यपाधुरा गाउँपालिका–१ को साहुखर्क नजिकै बिहान साढे ४ बजे बजेतिर बस दुर्घटना भएको हो। धनगढीबाट बझाङका लागि छुटेको कर्णाली रिभर यातायातको ना ६ ख १८३१ नं को बस दुर्घटना हुँदा ६ जनाको घटनास्थलमै मृत्यु भएको डडेल्धुराका प्रहरी निरीक्षक लक्ष्मण खड्काले पुष्टि जानकारी दिनुभयो ।
प्रहरीले घटनास्थल पुगेर घाइतेको उद्धार गरिरहेको बताएको छ । घाइतेहरुलाई डडेल्धुरा अस्पताल डडेल्धुरा ल्याइँदैछ। बस सडकबाट १०० मिटर तल खसेको छ।
प्रकाशित मिति: बुधबार, वैशाख ११, २०७६, ०८:१९
