काठमाडौँ । कोरोनाका कारण पछिल्लो २४ घण्टामा कसैको पनि मृत्यु नभएको स्वास्थ्य तथा जनसङ्ख्या मन्त्रालयले जनाएको छ ।
२ सय ५२ जना कोरोनामुक्त हुँदा कुनै पनि कोरोना सङ्क्रमितको मृत्यु नभएको मन्त्रालयको भनाइ छ । नेपालमा हालसम्म कोरोनाबाट ११ हजार ५ सय ९४ जनाको मृत्यु भएको छ ।
देशभर हालसम्म चार हजार ९ सय ६९ जना सक्रिय सङ्क्रमित रहेको पनि स्वास्थ्य मन्त्रालयले जनाएको छ ।
बितेको २४ घण्टामा ५९ हजार १ य १२ जनाले कोरोनाविरुद्धको खोप लगाएका छन् । ३ सय ४२ जना कोरोना सङ्क्रमित भने थपिएका छन् ।
पाँच हजार सात जनामा आरटीपीसीआर परीक्षण गरिएकोमा ३४२ जनामा कोरोना सङ्क्रमण पुष्टि भएको मन्त्रालयले जनाएको छ ।
१५ हजार ९५२ जनामा एन्टीजेन परीक्षण गरिएकोमा ४४ जनामा कोरोना सङ्क्रमण पुष्टि भएको छ । मन्त्रालयले नेपालमा कोरोना सङ्क्रमणमुक्त हुने दर ९८ प्रतिशत रहेको पनि जानकारी दिएको छ ।
प्रकाशित मिति: शनिबार, पुस १७, २०७८, १७:०५
