काठमाडौँ । गीतकार चन्द्र प्रसाईँ 'परिस्कृत' को 'माया गर्न मन छ' बोलको गीत सार्वजनिक भएको छ । प्रेम भाव बोकेको यो गीतमा प्रविण बेडवालले स्वर दिनु भएको छ भने सङ्गीत अर्जुन पोखरेलको रहेको छ ।
कलाकार पुष्प खड्का र शिल्पा पोखरेलको अभिनय रहेको यो गीतको म्युजिक भिडियो भने देवेन्द्र पाण्डेले निर्देशन गर्नुभएको हो ।
जुनसुकै उमेर समूहका नागरिकलाई पनि प्रेमभाव व्यक्त गर्न सजिलो नहुने तर सबैको मनमा हुने प्रेमको विषयमा लेखिएको गीतले स्रोता तथा दर्शकको माया पाउने गीतकार प्रसाईँले बताउनुभयो ।
फनिन्द्र राईले गीतको एरेन्ज गर्नुभएको हो।
भिडियो हेर्नुहोस्ः
प्रकाशित मिति: सोमबार, फागुन २, २०७८, १४:३४
