काठमाडौँ । सन्तोष श्रेष्ठको स्वर र सङ्गीतमा ‘आँखा झिमिक्क पारेर’ बोलको गीत एक कार्यक्रमका बीच सार्वजनिक गरिएको छ ।
काठमाडौँमा एक कार्यक्रमका बीच सार्वजनिक भएको उक्त गीतमा गायिका अस्मिता अधिकारीले श्रेष्ठलाई साथ दिनु भएको छ ।
'रोमान्टिक र डान्सिङ नम्बर सुन्न चाहानेका लागि यो गीत उपयुक्त हुने र स्रोता तथा दर्शकको माया पाउने अपेक्षा गरेको छु ।' गायक तथा सङ्गीतकार श्रेष्ठले भन्नुभयो ।
साहित्यकार सुरेन्द्र महर्जन ‘अमर’ ले लेख्नु भएको गीतको म्युजिक भिडियोमा हरिश निरौला (कक्रोज), सुमन ज्योति (ल्याङ्ग्री दादा), पूजा उप्रेती, आयुषा कटुवाल, जय थापा लगायतले अभिनय गर्नु भएको छ ।
यो गीतको भिडियो निर्देशन सुरेश थापाले गर्नुभएको हो ।
प्रकाशित मिति: शनिबार, फागुन १४, २०७८, १४:२३
