काठमाडौँ । आगामी वैशाख ३० मा हुने स्थानीय तहको निर्वाचनका लागि म्यादी प्रहरीको भर्ना खुलेको छ।
नेपाल प्रहरीले एक लाख म्यादी प्रहरीको भर्ना खुलाएको हो।
प्रहरी प्रधान कार्यालय, मानवस्रोत एवम् प्रशासन विभागले हिजो सार्वजनिक गरेको सूचना अनुसार यही चैत ६ गतेदेखि ११ गतेसम्म आवेदन दिन पाइने छ।
उपत्यकाको हकमा महानगरीय प्रहरी परिसर र अन्य सबै जिल्ला प्रहरी कार्यालयमा पुगेर दरर्खास्त फारम बुझाउन पाइने प्रहरीले जनाएको छ ।
चुनावी प्रयोजनका लागि थप सुरक्षाकर्मी आवश्यक परेकोले सरकारले म्यादी प्रहरी भर्ना गर्न लागेको हो।
प्रकाशित मिति: बुधबार, चैत २, २०७८, ०७:२५
