काठमाडौँ । सामुदायिक रेडियो प्रसारक सङ्घ (अकोराब) नेपालको १६ औँ साधारणसभा तथा सामुदायिक रेडियो राष्ट्रिय सम्मेलनमा आज बन्द सत्र सुरु हुँदै छ ।
बाँकेको नेपालगञ्जमा केहीबेरमा सुरु हुने साधारणसभा तथा सम्मेलनमा महासचिव किशोरजङ्ग थापा, कोषाध्यक्ष सरोज पौडेल र लेखा समिति संयोजक भूमि चापागाईँले प्रतिवेदन पेश गर्नुहुने छ ।
अकोराबका सातै प्रदेशका अध्यक्षको तर्फबाट पनि प्रतिवेदन पेस हुने र छलफलपछि पारित गरिने महासचिव थापाले जानकारी दिनुभयो ।
उहाँका अनुसार नेपालगञ्ज घोषणापत्र जारी गर्दै आजै साधारणसभा तथा सम्मेलनको समापन हुने छ ।
प्रकाशित मिति: बिहीबार, चैत १०, २०७८, ०८:५४
