पूर्वी नवलपरासी । पूर्वी नवलपरासीको हुप्सेकोट गाउँपालिका ३ बेलहानीमा आज साँझ ६ बजेको समयमा आएको हुरीले घरको टिन उप्काइदिएको छ ।
वडा नम्बर ३ का डोलराज पाण्डेको घरको करिब १० पाता टिन हुरीले उड़ाएपछि बिजुलीको तारमा अड़किएको छ ।
अन्य मानवीय क्षति भने नभएको बुझिएको छ । घरमा रहेका अन्न पनि अलपत्र अवस्थामा छ ।
हुरीले पाण्डेको घरको बिजुलीको कालो तार पनि चुँडाईदिएको छ ।
पाण्डेको घर नजिकै किरण घिमिरेको घरमा पनि हुरीले कुखुरा खोरको टिन उड़ाएर काठे खोर नै पल्टाइदिएको छ ।
बिजुलीको तारमा अड़किएको टिनका बारेमा नेपाल विद्युत प्राधिकरण कावसोती शाखा र अरुणखोला शाखामा जानकारी गराईएको स्थानीय कमल पाण्डेले जानकारी दिनुभयो ।
प्रकाशित मिति: शुक्रबार, वैशाख १६, २०७९
