किरन धामी, रेडियो दार्चुला
दार्चुलामा भएको जीप दुर्घटनामा एकै गाउँका तीन जनाको मृत्यु भएको छ ।
जिल्लाको शैल्यशिखर नगरपालिकाको गोकुलेश्वरबाट नेकपा एमालेको विजय जुलुसमा सहभागी हुन जाने कार्यकर्ता लिन ग्वानी आउने क्रममा दुर्घटना भएको हो ।
दुर्घटनामा वडा नम्बर ६ ग्वानीका २३ वर्षका जीप चालक प्रकाश सिंह धामी, २२ वर्षका सहचालक नविनसिंह धामी र स्थानीयबासी १९ वर्षका हरिसिंह धामीको मृत्यु भएको जिल्ला प्रहरी कार्यालयका सूचना अधिकारी एवं प्रहरी निरीक्षक हिक्मत बहादुर थापाले जानकारी दिनुभयो ।
म १ ज २७७ नम्बरको जीप तीब्र गतिका कारण आज विहान ९ बजेतिर ग्वानीको वडा कार्यालय नजिक सडकबाट ५ सय मिटर तल रोलाखोलामा खसेको थियो ।
प्रकाशित मिति: सोमबार, जेठ २, २०७९, १३:५१
