काठमाडौँ । पत्रकारिताको माध्यमबाट समाजमा सकारात्मक रुपान्तरणका लागि विशेष भूमिका खेलेको भन्दै सीआईएनकर्मी अविनाश आचार्य सम्मानित हुनुभएको छ ।
बाराको जितपुरसिमरा उपमहानगरपालिका – २ मा रहेको हातेमालो बचत तथा ऋण सहकारी संस्था ( साकोस) को १५ औँ स्थापना दिवसको अवसरमा आचार्य सम्मानित हुनुभएको हो ।
संस्थाका अध्यक्ष यज्ञ बहादुर आले र राष्ट्रिय सहकारी महासङ्घका अध्यक्ष एवं अन्तर्राष्ट्रिय सहकारी महासङ्घ (एशिया प्रशान्त क्षेत्र) का सञ्चालक मीनराज कँडेलले दोसल्ला, नगद राशि र कदरपत्रसहित सम्मान गर्नुभएको हो ।
लामो समय बाराको सिमरामा रहेर पत्रकारिता गर्नुभएका आचार्य हाल सामुदायिक सूचना नेटवर्क (सीआईएन) मा कार्यरत हुनुहुन्छ ।
प्रकाशित मिति: शनिबार, जेठ २१, २०७९, ०७:१२
