काठमाडौँ । गीतकार चन्द्र प्रासाईँ'परिस्कृत'को रचनामा 'फुर्के मदानी' बोलको गीत सार्वजनिक भएको छ ।
सन्तोष श्रेष्ठको सङ्गीत र स्वर रहेको गीतमा गायिका शान्तिश्री परियारले साथ दिनुभएको छ ।
विशेषतः युवा अवस्थामा अङ्कुराउने प्रेम भावलाई गीतमा व्यक्त गरिएको गीतकार परिस्कृतले बताउनुभयो ।
'मिलन या विछोडका गीत धेरै आइरहेका बेलामा युवा, किशोरअवस्थामा पनि मान्छेको मनमा हलचल आउँछ र यसले निकासका लागि साथ खोज्छ भन्ने कुरामा जोड दिएको छु।' उहाँले भन्नुभयो ।
मौसम हिमालीको निर्देशन रहेको गीतमा करिश्मा ढकाल र हरिस निरौला' कक्रोज'ले मुख्य भूमिकामा अभिनय गर्नुभएको छ ।
गीतमा राजु कार्कीको अरेन्ज, प्रकाश मिश्रको मिक्सिङ, मास्टरिङ रहेको छ । मिलन विश्वकर्माले सम्पादन गर्नुभएको भिडियोको छायाङ्कन भने नवराज उप्रेतीले गर्नुभएको हो ।
गीतको भिडियो प्रसाईँसन इन्टरटेनमेन्टको युट्युब च्यानलबाट सार्वजनिक गरिएको छ ।
प्रकाशित मिति: शनिबार, जेठ २१, २०७९, ११:०९
