काठमाडौँ । चालु आर्थिक वर्षमा सुनका गहनाको निर्यात ५५ दशमलव ५७ प्रतिशतले बढेको छ ।
वैदेशिक व्यापार तथा निकासी प्रवद्र्धन केन्द्रको तथ्याङ्क अनुसार चालु आर्थिक वर्षको १० महिनामा नेपालले ४६ करोड ३१ हजार रुपैयाँ बराबरको सुनका तयारी गहना निर्यात गरेको हो ।
गत आर्थिक वर्ष २०७७/०७८ मा सोही अवधिमा नेपालले जम्मा २९ करोड ५७ लाख रुपैयाँ बराबरको गरगहना निर्यात गरेको थियो ।
केन्द्रका अनुसार अमेरिका, अस्ट्रेलिया र हङकङलगायत देशमा सुनका गहना निर्यात भएको छ ।
अन्तर्राष्ट्रिय बजारमा नेपाली गहनाको माग बढ्दै गएकाले निर्यातमा वृद्धि भएको सुनचाँदी व्यवसायी महासङ्घका अध्यक्ष माणिक रत्न शाक्यले सीआईएनसँग बताउनुभयो ।
विदेशबाट ढिका सुन आयात गरेर विभिन्न नेपाली डिजाइनका गहना बनाएर नेपाली व्यवसायीले विभिन्न मुलुकमा निर्यात गर्दै आएका छन् ।
प्रकाशित मिति: शुक्रबार, असार ३१, २०७९
