अन्तर्राष्ट्रिय मुवाथाई विजेता गुणराज रुचाललाई मंगलबार एक कार्यक्रमबीच राष्ट्रिय खेलकुद परिषद (राखेप) का सदस्य सचिव टंकलाल घिसिङले शुभकामनासहित बिदाई गर्नुभएको छ ।
रुचालले भाद्र ४ गते कम्बोडियाको नोमपेन्हमा आयोजना हुने प्रोफेसनल फाईटमा कम्बोडियाका खेलाडी थुन ईंगलेसँग ५७ केजी तौल समूहमा प्रतिस्पर्धा गर्नुहुनेछ ।
आज थाईल्याण्डतर्फ जाने रुचालले थाईल्याण्डको टप फाईट मुवा थाई जिममा एक हप्ता प्रशिक्षण लिने कार्यक्रम रहेको छ । एक हप्ताको प्रशिक्षण पश्चात रुचाल ४ गते हुने प्रतिस्पर्धाका लागि कम्बोडिया प्रस्थान गर्नुहुनेछ ।
बिदाई कार्यक्रममा नेपाल मुवाथाई संघका केन्द्रिय अध्यक्ष गणेश कक्षपती लगायतको उपस्थिती रहेको थियो ।
प्रकाशित मिति: बुधबार, साउन २५, २०७९, ०६:३२
