सल्यान । सल्यानमा जीप दुर्घटनामा परेर आठ जनाको मृत्यु भएको छ । बाँकेको ढकेरीबाट बिहेको भोज खाएर सल्यान फर्किएकाहरु कपुरकोट गाउँपालिका रिमनजिकै दुर्घटनामा परेका हुन् ।
प्रहरीका अनुसार मूलपानीनजिकै आज बिहान २ बजे तिर जीप दुर्घटनामा परेको थियो । दुर्घटनामा एकजना गम्भीर घाईते भएका छन् । दुर्घटनामा मृत्यु भएका कसैको नाम खुल्न नसकेको ट्राफिक कार्यालय कपुरकोटका प्रहरी सहायक निरीक्षक डिल्लीप्रसाद आचार्यले जानकारी दिनुभयो ।
अहिले ट्राफिक तथा इलाका प्रहरी कार्यालय कपुरकोट, लुहामको प्रहरीको टिम घटनास्थलमा पुगेर उद्धारमा जुटेको छ । प्रहरीका अनुसार गाडी सडकदेखि करिब दुई सय मिटर तल खोँचमा खसेको छ । गाडीमा नौ जना सवार रहेको प्रहरीको भनाइ छ ।
प्रकाशित मिति: बुधबार, असोज १२, २०७९, ०७:०३
