पाल्पा । दसैँको अवसरमा रातो माटो र कमेरोले पोतेर घर चिटिक्क पार्ने परम्परा नेपाली समाजमा छ ।
यसरी घर लिपपोत गरिँदा धार्मिक मात्रै नभएर आयूर्वेदक महत्व रहेको कतिपयले बताउने गरेका छन् ।
तर पछिल्लो समय कमेरो र रातो माटोले घर लिपपोत गर्नेक्रम हट्दै गएको छ ।
पाल्पा अमलाबासका सोमान सिंह सुनार समूहमा मिलेर कमेरो वा रातो माटो लिन गएको र घरमा पोतिएको अब सम्झना मात्र भएको बताउनुहुन्छ ।
गाउँमै सिमेन्टलगायतका निर्माण सामग्री प्रयोग गरी घर बनाउने प्रतिस्पर्धा जस्तै देखिएको छ ।
योसँगै लिपपोत गर्नेभन्दा पनि रङ, इनामेल लगाए मात्रै सम्पन्न र सभ्य भइन्छ भन्ने विचार मानिसमा देखिन थालेको छ ।
जानकारहरूका अनुसार हरातो र सेतो रङ्गको महत्व धार्मिक मूल्यमान्यतासँग पनि जोडिने इतिहासका जानकार निर्मल श्रेष्ठको भनाइ छ ।
रातोमाटो र कमेरोले लिपपोत गरिएका घरमा जमरा राखेसँगै दसैँको उत्सव सुरु भएको मानिन्थ्यो ।
तर हिजोआज रातोमाटो र कमेरोले घर लिपपोत गर्ने चलन हराउँदै गएको छ ।
प्रकाशित मिति: मंगलबार, असोज १८, २०७९
