काठमाडौँ । बाराको अमलेखगञ्जमा आज बिहान भएको बस दुर्घटनामा मृत्यु हुनेको सङ्ख्या १५ पुगेको प्रहरीले जनाएको छ।
नारायणगढबाट वीरगन्ज जाँदै गरेको बा प्र-०६-००१ ख-०११० नम्बरको बस बिहान करिब साढे १० बजे अमलेखगञ्जको ३ नम्बर पुलनजिकैको मोडमा सडकबाट खोलामा खसेर दुर्घटनामा परेको थियो ।
मृत्यु हुनेमा ९ जना पुरुष र ६ जना महिला रहेको बाराका प्रहरी उपरीक्षक होविन्द्र बोगटीले जानकारी दिनुभयो ।
उहाँका अनुसार १० जनाको घटनास्थलमै र ५ जनाको हेटौँडा अस्पतालमा उपचारका क्रममा मृत्यु भएको हो। उपचाररतमध्ये धेरै यात्रुको अवस्था गम्भीर रहेको प्रहरीले जनाएको छ।
३२ सीट क्षमताको बसमा ४० जनाभन्दा बढी यात्रु रहेको पाइएको प्रहरीको भनाइ छ।
प्रकाशित मिति: बिहीबार, असोज २०, २०७९, १५:२९
