काठमाडौँ । सत्ता गठबन्धनविरुद्ध गठबन्धन बनाएको नेकपा एमालेले कमल थापा नेतृत्वको राप्रपा नेपालसँग पनि चुनावी तालमेल गर्ने सहमति गरेको छ ।
सहमति अनुसार मङ्सिर ४ मा हुने निर्वाचनमा थापा एमालेको समर्थनमा मकवानपुर क्षेत्र नं १ बाट उम्मेदवार बन्नुभएको छ ।
सामाजिक सञ्जालमा विचार सार्वजनिक गर्दै थापाले सद्भाव र सहकार्यको लागि नेकपा (एमाले) लाई धन्यवाद दिनुभएको छ ।
'राष्ट्रियताको संरक्षण, लोकतन्त्रको सुदृढीकरण, सुशासन र आर्थिक समृद्धिको निम्ति ईमान्दारीपूर्वक कामगर्ने प्रतिबद्धता व्यक्त गर्दछु ।' थापाले लेख्नुभएको छ ।
चुनावपछि पनि सहकार्यलाई निरन्तरता दिने सहमतिमा उल्लेख छ ।
प्रकाशित मिति: आइतबार, असोज २३, २०७९, ०७:०६
