काठमाडौँ । नेदरल्यान्ड्स टी–ट्वेन्टी विश्वकप क्रिकेटको सुपर १२ मा प्रवेश गरेको छ ।
विहीबार भएको खेलमा यूएईले नामिबियालाई ७ रनले हराएपछि अंक तालिकाको दोस्रो स्थानमा रहँदै नेदरल्यान्ड्स सुपर १२ मा पुगेको हो ।
१४९ रनको लक्ष्य पाएको नामिबियाले ८ विकेट गुमाएर १४१ रन मात्र बनाउन सक्यो । नामिबियाका डेभिड वाइजले ५५ रन बनाए पनि जीतका लागि पर्याप्त भएन ।
पहिले ब्याटिङ गरेको यूएईले माेहम्मद वासिमको ५० रन मद्दतमा १४८ रन बनाएको थियो । यूएईका लागि विहीबारको खेल सान्त्वना जीत मात्र दिलाए पनि यो खेलको नतिजाले नामिबियालाई घर पठाएको छ भने नेदरल्यान्ड्सलाई सुपर १२ मा पुर्याएको छ ।
यसअघि नेदरल्यान्ड्सलाई १६ रनले हराउँदै श्रीलङ्का सुपर १२ मा पुगेको छ ।
प्रकाशित मिति: बिहीबार, कात्तिक ३, २०७९, १७:३१
