रुपन्देही । रेडियो जागरण बुटवलका समाचार प्रमुख टेक मास्की रानाको निधन भएको छ । रानाको उपचारका क्रममा लुम्बिनी प्रादेशिक अस्पताल बुटवलमा बुधवार बिहान निधन भएको हो ।
उहाँलाई डेँगु भएपछि केही दिन यता अस्पतालको सघन उपचार कक्ष (आईसीयू) मा उपचार भइरहेको थियो । दुई दशकभन्दा लामो समयदेखि पत्रकारितामा आबद्ध मास्कीलाई मिर्गौला र मधुमेहसम्बन्धी समस्या थियो ।
रानाका एक छोरा र दुई छोरी हुनुहुन्छ । सामुदायिक रेडियो प्रसारक संघ अकोरावले पत्रकार रानाको निधन प्रति दु:ख ब्यक्त गरेको छ । अकाेरावका महासचिव किशाेरजंग थापाद्वारा बुधवार निकालिएको विज्ञप्तिमा पत्रकार मास्कीको निधनप्रति दुःख व्यक्त गर्दै उहाँप्रति श्रद्धाञ्जली अर्पण गरिएको छ ।
उहाँ नेपाल पत्रकार महासङ्घ, रुपन्देहीका पूर्व कार्यसमिति सदस्य तथा लुम्बिनी प्रदेश कमिटी सदस्य हुनुहुन्थ्यो ।
प्रकाशित मिति: बुधबार, कात्तिक ९, २०७९, १७:२६
