काठमाडौँ । टी ट्वेन्टी विश्वकप क्रिकेटमा पाकिस्तानमाथि जिम्बावेले १ रनको रोमाञ्चक जित हात पारेको छ । १३१ रनको लक्ष्य पाएको पाकिस्तानलाई १२९ रनमा समेट्दै जिम्बावेले रोमाञ्चक जित हात पारेको हो ।
पाकिस्तानका सान मसुदले ४४ र मोहम्मद नवाजले २२ रन बनाए । कप्तान बाबर आजम ८ तथा मोहम्मद रिजवान १४ रनमा आउट भए । सादब खानले १७ रन बनाए भने मोहम्मद वासिम १२ रनमा नटआउट रहे ।
जिम्बावेका सिकन्दर राजाले ३ तथा ब्राड इभान्सले २ विकेट लिए ।
टस जितेर पहिले ब्याटिङ गरेको जिम्बावेले २० ओभरमा ८ विकेट गुमाएर १३० रन बनाएको थियो । जिम्बावेका सिन विलियम्सले ३१ रन बनाए । पाकिस्तानका मोहम्मद नवजाले ४ तथा सादब खानले ३ विकेट लिए । पाकिस्तानको यो लगातार दोस्रो हार हो ।
प्रकाशित मिति: बिहीबार, कात्तिक १०, २०७९, २०:३६
