काठमाडाैँ । अखिल नेपाल फुटबल संघ (एन्फा) ले पाकिस्तानसँगकाे मैत्रीपूर्ण खेलका लागि प्रवेश कटुवाललाई मुख्य प्रशिक्षककाे जिम्मेवारी दिएको छ । मच्छिन्द्र क्लबलाई ए डिभिजन लिगको उपाधि जिताएका कटुवाललाई एन्फाले मुख्य प्रशिक्षक नियुक्त गरेकाे हो ।
नेपालले अबकाे १५ दिनपछि काठमाडाैँमा पाकिस्तानसँग मैत्रीपूर्ण फुटबल खेल्नेछ । फिफाको प्रतिबन्ध फुकुवासँगै आठ वर्षपछि अन्तर्राष्ट्रिय फुटबलमा फर्किएको पाकिस्तान नेपालसँग खेल्न लागेकाे हाे । अब्दुल्लाह अलमुताइरीले राजीना दिएपछि नेपाली फुटबल टिम मुख्य प्रशिक्षक विहीन रहदै आएको छ । यसअघि बंगलादेशसँगको खेलमा नेपाली टिमलाई प्रदीप हुमागाईँले प्रशिक्षण दिएका थिए ।
प्रकाशित मिति: मंगलबार, कात्तिक १५, २०७९, १७:३६
